Feel free to email us at panehmiang@ymail.com.

Sunday, March 6, 2011

POST MORTEM MERLIMAU DAN KERDAU

Apokah punco kokalahan toghuk PAS kek koduo-duo DUN tosobut. Antaronya adolah;

1. DS Rais Yatim telah mengarahkan segalo hantu-hantu yang ado kek RTM, TV3 dan panggung po'ie mongundi kek sinun. Hantu-hantu yang tolah diarah tu adolah seperti borikut:-

a. Hantu Rayo
b. Hantu Penanggal
c. Hantu Ngangkung
d. Hantu Jopun
e. Pontianak
f. Hantu Kak Limah Balik Rumah Kerdau dan Rumah Merlimau
g. Mambang Hijau dan Mambang Tanah (pinjam daripado filim P. Ramlee. Kok tak cayo bulih baco Haprakdaily).

2. PAS turunkan hargo gulo sikit bona kek Kerdau. Cubo turunkan sampai 20 sen sekilo, gorenti PAS monang.

3. PAS tak dapek menyediokan bas secukupnyo untuk pongundi mereka di hantar ko syurgo. Cubo sewo KTM ko, Airasia ko, MAS ko, tontu ramai yang bulih naik.

4. PAS tak sompek nak mentarbiahkan pengundi-pengundi kek sinun. Pas masih leko nak mencari kesalahan dan memalukan calon BN jo. Jadi, orang-orang kek sinun masih lagi jahilliah macam Nik Ajis cakap kek Tenang dulu.

Atuk raso cukuplah dulu post mortem yang sompek dibuek. Kok nak tau lagi bacolah Haprakdaily, gerenti banyak lagi. Hi hi hi (tu bukan bunyi hantu mongilai doh).

1 comment:

  1. Salam Atok,

    Post Mortem lucu..masih senyum lagi den ni...banyak benar HANTU..

    ReplyDelete

Blog Archive