Feel free to email us at panehmiang@gmail.com.

Tuesday, October 21, 2008

CORITO BABI

Tadi atok masuk satu blog. Ado gambar Najib. Hensem gak tpm tu walaupun tongah kombang ateh bawah nak jadi pm ta lamo lagi. Tapi apo yang atok polek sikit nengok perangai orang ni, sanggup buek potonah yang boleh memusingkan akedah. Dah lah potonah tu macam nyomboleh orang, ni di potonah eh Najib tu jadi sami hindu.

Kito sesamo Islam sanggup menuduh orang lain kapir laknat. Mako, (ni bukan patwa dari atok doh) yang mambawo potonah tulah yang lobeh kapir lagi.

Jadi, corito babi tu camnia ha.

Pada satu maso dulu anak kambing mo anak babi bokawan baik. Satuhari somasa melihat anak babi sodang bojalan, kambing pun mengusik anak babi, "Babi, babi, den dah tau apo sobab eh kau jalan tunduk." "Apo sobab eh?" tanyo anak babi. "Sobab eh kau malukan. Abah kau babi, omak kau babi, nenek moyang kau pun babi!!!!" "Hampeh kau kambing! Kau tu lagi toghuk. Abah kau tu nampak yo alim, janggut mereghelo ko tanah, tapi tolo eh melambah tunjukkan kek orang." Lantas anak kambing pun menjawab, "Osahlah babi eh kau' anak babi." Mako dari hari tu mako babi dan kambing pun tak bokawan lagi.

Jadi, moral of the story, kok kito memcari buruk orang, mako orang akan dengan mudah mencari buruk kito.

3 comments:

  1. den ponah tgk gajah punyo tolo&sauhnyo laie bosa kek zoo..gajah tu buleh koncing tanpo signal...biso bonar mato den...hahaha..kali pertamo&terakhir..

    ReplyDelete

Blog Archive